Алматыда жеңіл көлік ағашқа соғылып, жүргізуші қайтыс болды, деп хабарлайды "Адырна" тілшісі.
Қалалық Полиция департаментінің мәліметінше, жол апаты 17 наурызда 05:10-да Сейфуллин даңғылында болған. Mitsubishi көлігі ағашқа соғылды.
"Mitsubishi көлігінің жүргізушісі 1985 жылы туған азамат Ж., Сейфуллин даңғылымен оңтүстік бағытта келе жатып, Мақатаев көшесінің қиылысында рульге ие бола алмай ағашқа соғылды. Алған жарақатынан жүргізуші қаза тапты. Бір жолаушы зардап шекті", - делінген Алматы қалалық Полиция департаментінің баспасөз қызметінің хабарламасында.
