Бокстан Италияның Бусто-Арсицио қаласында өтіп жатқан лицензиялық турнирде 92 келі салмақтағы Азия чемпионы Айбек Оралбай Олимпиадаға жолдама жеңіп алды, деп хабарлайды “Адырна” ұлттық порталы.
Айбек Оралбай 1/4 финалда АҚШ өкілі Жамар Таллейді барлық раундта жеңіп, төрт жылда бір келетін додада өнер көрсетуге мүмкіндік алды.
Осы салмақта Токио Олимпиадасында Василий Левит күш сынасқан еді.
Турнирде Айбектің сыңары – Нұрбек Оралбай да 80 келіде қолғап түйістіріп жатыр.