Ресей Қазақстанның Сары-Шаған полигонында 200 шақырымға дейін ұшатын зымырандарды сынақтан өткізуде. Бұл туралы Қазақстан Республикасы Қорғаныс министрінің орынбасары Шайх-Хасан Жазықбаев мәлімдеді, деп хабарлайды “Адырна” ұлттық порталы informburo.kz сайтына сілтеме жасап.
«Новая газета – Еуропа» ресейлік «Капустин Яр» зымыран полигонынан хабар жариялаған болатын. Басылымның мәліметінше, онда сынақтан өтіп жатқан зениттік және баллистикалық зымырандар Қазақстанға қарай ұшып, Бөкейорда резервіне түседі. Редакциялар бұл зымырандар кейін Украинадағы әскери операциялар кезінде қолданылатынын баса айтты.
Мәжіліс алаңында министрдің орынбасары ақпаратқа түсініктеме берді.
«Мұндай полигон бар, бірақ ұшқышсыз зымырандар жоқ. Кәдімгі зымырандар қолданылады. Сары-Шаған полигоны бар, 1993 жылы келісім бойынша 2030 жылға дейін сынақтан өтіп жатыр. Ресей Федерациясының 110 оқу орталығы. Зымыранның қашықтығы 200 км-ге дейін. Бұл учаскеде инфрақұрылым жоқ, жергілікті тұрғындар да жоқ», - деді Шайх-Хасан Жазықбаев.
Сондай-ақ, ол жылына барлығы 50 сағат тестілеу жүргізілетінін айтты. Айтуынша, бүкіл Қазақстан бойынша Ресей армиясының 900 өкілі бар.
Журналистер “бұл зымырандар болашақта Украинадағы әскери операцияларда қолданыла ма” деген сұрақ қойды. Шайх-Хасан Жазықбаев Қазақстан Республикасының Қорғаныс министрлігінде мұндай деректер жоқ екенін түсіндірді.
