Starlink Қазақстанға жетті

799
Adyrna.kz Telegram
Фото: t.me/bagdat_mussin_official
Фото: t.me/bagdat_mussin_official

Мектептердегі интернетті жоғары жылдамдықпен қамтамасыз ету үшін Қазақстанға Starlink жабдығының алғашқы партиясы жеткізілді, деп хабарлайды “Адырна” ұлттық порталы Forbes.kz сайтына сілтеме жасап.

Бұл туралы Цифрлық даму, инновациялар және аэроғарыш өнеркәсібі министрі Бағдат Мусин мәлімдеді.

"Starlink жабдығының алғашқы партиясы – 500 данасы Қазақстанға келді", - деді Бағдат Мусин.
Министр телеграм-арнасында хабарлағандай, жеткізілген жабдықты қабылдап, жеке тексеру үшін Алматыға сапарлатқан. Оның айтуынша, келесі аптада Түркістан және Ақмола облыстарындағы Starlink орнатуға дайын мектептерді жабдықтармен қамтамасыз етеді. Сондай-ақ министр 10 күннен кейін аталған техниканың басқа аймақтарға жеткізілетініне уәде берді.
«Жалпы 20 күн ішінде 2000 жинақ келеді, бұл еліміздің 2000 шалғайдағы ауыл мектебін жоғары жылдамдықты интернетпен қамтамасыз етеді», - деп сендірді Мусин.
“Адырна” ұлттық порталы
Пікірлер