Салтанат Томпиева Көлік министрлігі Азаматтық авиация комитетінің төрағасы болып тағайындалды. Бұл туралы Үкіметтің баспасөз қызметі айтты, деп хабарлайды «Адырна» тілшісі.
Ол 1977 жылы Қарағанды қаласында дүниеге келген. Е. Букетов атындағы Қарағанды
мемлекеттік университеті мен Тулуза бизнес мектебінде, ИАТА халықаралық әуе көлігі қауымдастығында білім алған.
Еңбек жолын 1998 жылы Көлік және коммуникация министрлігінің авиациялық қауіпсіздік секторының жетекші маманы болып бастады.
2022 жылдан бастап қазіргі уақытқа дейін «Қазақстанның авиациялық әкімшілігі» АҚ бас директорының орынбасары болды.
