Шетелдіктер асырап алған қазақ қызы Әнел Ниязбекова сырын айтты, деп хабарлайды "Адырна" порталы "Шетелдегі қазақ балалары" бағдарламасына сілтеп.
Кішкентайында шетелдіктер асырап алған қазақ қызы тағдырға өкпелі екенін айтты. Бірақ ол өзін тастап кеткен биологиялық ата-анасына ренжімейтінін айтты.
Бойжеткен өзінің туған анасына арнап жазған хатында:
"Мені "Қазақстанның бір жерінде судан тауып алыпты" деп естігенмін. Арасында маған бір жаман ойлар келеді… Анашым, сен шынымен мені жалғыз тастап кеттің бе? Мүмкін, сен балаңды жоғалтып алған шығарсың? Мүмкін, мен абайсызда суға ағып кеттім?! Ал, сен мені шарқ ұрып іздеген шығарсың?"- деп өз өкінішін білдірген.
