Қаржы министрі қызметкерлердің жыл соңында алатын сыйақы көлемі туралы айтты, деп хабарлайды "Адырна" тілшісі.
Вице-премьер - қаржы министрі Ерұлан Жамаубаев сыйақы мөлшерін анықтаудың айқын ережелері бар екенін атап өтті. Ол қаржы министрлігінде жұмыс істейтін қызметкерлердің сыйақы мөлшерін айтты.
"Қаржы министрлігі – үлкен ұйым. Өңірлер бөлек, орталық аппарат бөлек алады. Механизм сондай. Жұмыс нәтижесі бойынша 3-4 еңбекақы мөлшерінде алады деп ойлаймын", - деп жауап берді Жамаубаев.
Министр жалпы бюджетте сыйақыға арналған арнайы бап жоқ екенін атап өтті. Жалақы, іссапар шығындары және басқа да ағымдағы шығындардан үнемделген ақшадан жыл соңында қызметкерлерге сыйақы берілуі мүмкін екен.
