Белгісіз адам BBC журналистеріне шабуыл жасады, деп хабарлайды "Адырна" тілшісі "Новая газета Европы" басылымына сілтеп.
Ригада белгісіз азамат оқу гранатасын BBC телерадиокорпорациясының орыс қызметі журналистерінің отырған жергілікті барына лақтырған.
Бұл оқиға кешкі сағат 23:00 шамасында болды. Барда ВВС қызметкерлерінен басқа ешкім қалмаған.
Басылым мәліметінше, шабуылдаушы бардың есігін ашып, журналистердің аяғының астына РГД-5 оқу гранатасын лақтырып жіберген.
Ер адам оқиға орнынан ізін суытып үлгерген. Оның қара түсті BMW көлігімен келгені ғана белгілі болған.
Қазір жарылыс болған жерде полиция қызметкерлері жұмыс істеп жатыр.
