Қостанай облысында екі адам мұз арқылы жолды кесіп өтпек болған, деп хабарлайды "Адырна" тілшісі polisia.kz-ке сілтеме жасап.
16 желтоқсан күні 31 және 51 жастағы екі жергілікті тұрғын кешкі сағат 20:00 шамасында Шортанды өзені арқылы үйге баратын жолды кесіп өтпек болған. Салдарынан өзен бетіндегі мұз опырылып, екі адам суға түсіп кеткен.
Қостанай облысының төрт полиция қызметкері оқиға орнына 4 минут ішінде жетіп, суға түскендерді құтқарып қалды.
Оқиға орнына жедел жеткен патрульдік полицейлер Нұрлан Шукманов пен Руслан Кужахметов мұз үстімен жорғалап, тереңдігі шамамен 6 метрлік суға секірген.
Олар ер адамдарды тез арада жоғарыға қарай итеріп, қалған екі полиция қызметкері кезек-кезек барлығын судан жағаға шығарған тросты ұстап тұрғаны анықталды.
Қазір суға батқан екі ер адамдар дәрігерлердің бақылауында. Олардың жағдайы тұрақты.
