Ақтөбе қаласындағы мектептердің бірінде 13 жастағы оқушы қайтыс болды. Бұл жөнінде Ақтөбе облысы Білім басқармасының баспасөз қызметі түсініктеме берді, деп хабарлайды “Адырна” ұлттық порталы.
«Ақтөбе қаласындағы №27 мектептің 13 жастағы оқушысы үзіліс кезінде сынып ішінде партаға соғылып құлап, соққыдан есінен танып қалған. Мектеп шұғыл жедел жәрдем шақырып, бала ауруханаға жеткізілді. Ауруханадан суық хабар жетті», - деді Білім басқармасы.
Қазіргі таңда құзырлы органдар тергеп-тексеру жұмыстарын жүргізіп жатыр.
