Мәжіліс депутаты Азат Перуашев Бас прокурор Берік Асыловқа депутаттық сауалмен жүгінді. Өз сөзінде мәжілісмен бірінші президенттің қайтыс болған ағасы Болат Назарбаевтың қатысы бар делінген рейдерлік фактілер туралы айтты, - деп хабарлайды "Адырна" порталы.
Перуашевтың депутаттық сауалында айтылғандай, партияға жауапкершілігі шектеулі серіктестік 2019 жылы Түркістан облысындағы басқа кәсіпорыннан нарық жағдайында көршілес гольф клубы бар шипажай сатып алған. Бұрынғы иесі бұл жылжымайтын мүлікті екі жыл бұрын Қаржы министрлігінің ашық аукционында сатып алған.
«Жаңа қожайындар шипажайды қайта жөндеуден өткізіп, оған 4,5 миллиард теңгеден астам қаржы құйғанымен, күтпеген жерден өткен жылы аудандық жер қатынастары бөлімі Сарыағаш ауданы әкімдігінің 2003 жылғы (яғни, 20 жылдан кейін!) санаторий, гольф клубы және іргелес резиденцияны салуға жер телімдерін бөлу туралы қаулысын жарамсыз деп тану жөнінде талап арызбен сотқа жүгінген. Авторлардың хабарлауынша, шипажайдың жанындағы резиденцияны сатып алып, аудандық бөлім сотқа шағым түсіргеннен кейін оны басқа ЖШС өткізіп жіберген Болат Назарбаев", - деді Перуашев.
2023 жылы соттар ЖҚРБ талап арызын қанағаттандырып, іс жүзінде бизнестің жеке мүлкін тәркілеп, талап қою мерзімін де, «СТС» ЖШС түріндегі адал сатып алушының заңды құқықтары мен заң алдындағы теңдік қағидаттарын елеусіз қалдырған, деп жалғастырды Перуашев.
«Алайда бір нысанға (Болат Назарбаев 2022 жылы басқа ЖШС-ға шұғыл аударып жіберген резиденция) қатысты сот істі тоқтатып, бітімгерлік келісімді бекіткен. Бұл ретте сот заң бұзылмаған деп санаса керек. Алайда, жер телімдерінің барлығы (санаторий, гольф-клуб пен резиденция үшін) біріңғай тәртіппен бөлініп, құрылыстар салынған», - деді Мәжіліс депутаты.
Депутат бұл жағдайда жұмыс істеп тұрған кәсіпорынды басып алу болғанын айтты. Перуашев сонымен қатар шенеуніктер өз гольф алаңы бар толықтай жаңартылған шипажай сияқты дәмді кәсіпті кімге қайта сатуды жоспарлап отырғанына таң қалды.
«Мұның барлығы «ескі Қазақстанмен күрес» деген желеумен жүргізіліп жатыр. Бұрыңғы дәуірдің символдарының бірі қайтыс болғаннан кейін де жеңімпаз болып шығып, нарық жағдайында бизнесін қалыптастырған адал кәсіпкерлер тағы да бизнесінен де, құйған инвестициясынан да айырылып қалып жатқан біртүрлі қызық күрес екен», - деді «Ақ жол» фракциясының жетекшісі.
Еске сала кетейік, бұған дейін депутат Айдос Сарым да депутаттық сөзінде Болат Назарбаевтың қызы Ақбота Назарбаевға тиесілі компанияның 53 млрд. теңгеге жоба алып, ешқандай жұмыс атқармағанын айтты.
