Қырғыз депутаттары бетін жауып тұратын киім киюге және көлемді сақал қоюға тыйым салуды ұсынды. Заңға енгізілген тиісті түзетулер қазірдің өзінде қоғамдық талқылауға шығарылды, деп хабарлайды "Адырна" порталы 24.kz сайтына сілтеме жасап.
Негіздемеде атап өтілгендей, заң жобасы «қауіпсіздікті қамтамасыз ету қажеттілігі мен жеке басын сәйкестендіру және азаматтардың құқықтарын сақтау арасындағы теңгерімді сақтауға» бағытталған.
«Ол мемлекеттік органдардың қоғамдық орындарда жеке басын сәйкестендіруді шектейтін паранжа (бетті жабатын мұсылмандық киім) және көлемді сақал тағудың алдын алу және жолын кесу үшін әзірленген. Айта кету керек, мұндай заңдар адам құқықтарының негізгі қағидаттарын, соның ішінде жеке өмірге қол сұғылмаушылық пен жеке бас бостандық заңын құрметтеуге тиіс», - делінген құжатта.
Қоса кетсек, шетелдіктер мен дипломаттардың сақалдарына қатысты тыйым салу оларға қолданылмайды.
