Солтүстік Қазақстан облысында жол апатынан 7 адам зардап шекті, деп хабарлайды "Адырна" тілшісі.
Бұл туралы СҚО Полиция департаменті мәлімдеді.
4 қараша күні түскі 14:00 шамасында Новокаменка елді мекенінің маңында жол-көлік оқиғасы болған. «Жезқазған-Петропавл» республикалық маңызы бар автожолда «Тойота Камри» және «Део Нексия» көліктері соқтығысып, салдарынан көліктегі адамдар зардап шеккен. Қайтыс болғандар жоқ.
Жол апатын жасаған көлік жүргізушілері медициналық куәлендіруден өткізілген. Тексеру жұмыстарынан соң екеуінің де спирттік ішімдік ішпегені анықталды. Ал көліктері арнайы автотұраққа қойылған.
