Әлем елдері өткен аптада Палестинаны қолдап, түрлі митингілер ұйымдастырып жатыр. Соның ішінде Франция, Италия, Ұлыбритания, Германия, АҚШ, Түркия, Иран, Иордания, Ливан, Марокко және басқа елдерде акциялар өтті, деп хабарлайды "Адырна" тілшісі.
Ыстамбұлда Режеп Ердоғанның қатысуымен "Ұлы "Ататүрік әуежайының аумағында 1,5 миллионнан астам адам, оның ішінде ел президенті Режеп Ердоған қатысуымен "Үлкен Палестина митингі" атты митинг өтті. Президент израильдіктер Газа тұрғындарына ерекше қатыгездік танытып, ал Батыстың екі жүзді саясаткерлер бұл жағдайға көз жұмғанын айтады.
«Ұлтымыздың әрбір өкілін бүкіл әлемге палестиналық бауырларымызбен ынтымақтастықты көрсету үшін «Үлкен Палестина митингіне» шақырамын», – деді Режеп Ердоған.
Иордания астанасы Амман қаласында да жүздеген наразылық білдірушілер тәртіпсіздіктер жасағаны белгілі болды. Шеруге шыққандар ағаштарды өртеп, Израиль елшілігіне кіруге тырысқан. Полиция арнайы құралдарды қолданып, шерушілерді тоқтатқан.
Палестинаны қолдайтын акция Тунистің орталығында өтті. Франция елшілігіне жалаулары бар жүздеген адамдар жиналды.
Берлинде де наразылық болды. Жерілікті полиция Палестина жақтастарына жұма күніне жоспарланған шеруді өткізуден бас тартқан.
Германияда палестина-израиль қақтығысына байланысты акцияларда 1100-ден астам түрлі құқық бұзушылықтар тіркелген. Соңғы аптада бұл елде Израильді қолдау үшін 200-ден астам акция, 130-дан астам Палестинаны қолдайтын манифесттер өтті.
BFMTV хабарлағандай, Парижде биліктің тыйымына қарамастан митинг өткен. Манифестанттар Палестина туларын желбіретіп, Газа секторынан бейбіт тұрғындарды эвакуациялау үшін гуманитарлық дәліз ашуды талап етті.
Газа секторындағы жағдай нашарлаған сайын Лондондағы митингтерге қатысушылар саны артуда. Шеруге шыққандардың саны 100 мыңнан астам екені айтылды.
Римнің орталығында мыңдаған адамдар Таяу Шығыста бейбітшілікке шақырды. Шеруге қатысу үшін Италияның басқа қалаларының тұрғындары келді. Олардың үнсіз бастамасын ондаған түрлі ұйымдар мен саяси партиялар қолдады.
Американдық православиелік яһудилер де Палестинаны қолдайтынын жеткізді.
