БАҚ 70 пайыз қазақ тілінде ақпарат таратуға көшеді. Бұл туралы Орталық коммуникациялар қызметінде өтіп жатқан баспасөз мәслихатында Мәдениет және ақпарат министрі Аида Балаева айтты, деп хабарлайды “Адырна” ұлттық порталы.
Бұқаралық ақпарат құралдары туралы» заң жобасы аясында мемлекеттік тілде телерадиоарналарда хабар тарату 50 пайыздан 70 пайызға дейін арттыру ұсынылып отыр. 50/50 болған кез «Бұқаралық ақпарат құралдары туралы» заңда бұрын, сонау 1999 жылы бекітілгенін ескеру қажет, - деді Аида Балаева.
Министр БАҚ-та мемлекеттік тілде дайындалатын контенттің үлесі 80 пайыздан асқанын мәлімдеді.
Қазақстан халқының 80 пайыздан астамы мемлекеттік тілді меңгерген. Осы факторлардың бәрін ескере отырып, мемлекеттік тілдегі телерадио хабарларын тарату көлемін 70 пайызға жеткізу туралы шешім қабылданды. Айта кету керек, көш бірте-бірте түзеледі – 2025 жылдан бастап жыл сайын 5%-ға арттыру көзделген, - деді Мәдениет және ақпарат министрі.
