Жетісу облысында үш миллиард теңгеден астам сомаға мемлекеттік сатып алу жасалған. Прокуратура оның күшін жойды, деп хабарлайды «Адырна» тілшісі.
Басқарманың айтуынша, мемлекеттік органдар негізінен әлеуетті өнім берушілердің біліктілік талаптарын негізсіз асыра бағалады, міндетті мемлекеттік сараптамасыз автожолдар салуға конкурстар жариялаған.
«85 миллион теңгелік сатып алулардың алдын алынды, мемлекеттік органдар негізсіз пайда таппақ болған. Алакөл ауданында прокуратураның қадағалау актілері бойынша 10 лауазымды тұлға жауапқа тартылды, олардың ішінде төрт ауылдық округ әкімі бар. Прокурорлық қадағалау актілері бойынша мемлекеттік және жергілікті атқарушы органдардың 74 лауазымды тұлға ӘҚБтК-нің 207-бабы (Мемлекеттік сатып алуды бұзу) бойынша жалпы сомасы 13 млн теңгеге айыппұл салумен әкімшілік жауапкершілікке тартылды»,—делінген хабарламада.
