Елімізде 80 мыңға жуық жас интернет арқылы деструктивті қоғамдастыққа қосылған. Бұл туралы Ұлттық қауіпсіздік комитеті төрағасының орынбасары Руслан Сейсембаев айтты, деп хабарлайды «Адырна» тілшісі.
«Халықты радикалдандырудың тағы бір маңызды факторы - терроризмді интернет арқылы насихаттау. Интернетті қолданушылардың белсенділігі терроризм мен экстремизм идеологтерінің үгіт-насихат жұмысын жүргізуге жағдай жасап отыр. Өкінішке қарай, ең осал және террористік қауіпке жиі ұшырайтын санат - жастар. Тек биыл ғана Қазақстанда деструктивті қауымдастықтардағы жастар арасынан 80 мыңға жуық желі пайдаланушысы анықталды. Олардың ішінде 6 мыңға жуығы 18 жасқа толмаған. Бұл мәселені шешу үшін ШЫҰ елдерінде терроризмге қарсы ақпараттық-насихаттық іс-қимыл жұмысын одан әрі жетілдіре түсу қажет»,—деді ол.
