Балалардың сүйікті телеарнасына айналған «Balapan» арнасы биыл 13 жасқа толады, деп хабарлайды "Адырна" ұлттық порталы.
Телеарнаның туған күніне орай «Қазақстан» телерадиокорпорациясы «Тосын сыйға толы күн» атты мерекелік жоба ұйымдастырды.
Жобаға «Balapan» арнасының көрермендері, кейіпкерлері мен жүргізішілері қатысты.
Мерекелік шараның телевизиялық нұсқасы 27 қыркүйекте «Balapan» арнасынан эфирге шығады.
Биыл «Balapan» арнасы 50-ден аса жоба өндіреді деп жоспарланған. Қыркүйек айынан бастап 14 анимациялық сериал, 5 телебағдарлама, 1 телехикая көрермен назарына ұсынылмақ.
"Адырна" ұлттық порталы
