Мәжіліс Спикері, партия Төрағасы Ерлан Қошановтың төрағалығымен Парламент Мәжілісінде «AMANAT» партиясы фракциясының кеңейтілген отырысы басталды, деп хабарлайды "Адырна".
Партиялықтар Мемлекет басшысы Жолдауының жүзеге асырылу барысы туралы Үкімет ұсынған мәліметті тыңдады.
Сондай-ақ, шара барысында премьер-министр елдегі бірқатар мәселелер бойынша сөз сөйледі. Жыл басынан бері орын лаған өзгерістер, дамулармен, жаңа жоспарлар жайлы сөз қозғады:
"Бірқатар шетелдік кәсіпорындарды Қазақстанға релокациялау бойынша жұмыс шеңберінде бүгінде 35 ірі шетелдік компания елімізге көшіп келді. Осы бағыттағы жұмыс одан әрі пысықталуда. Қабылданған шаралардың арқасында 2022 жылы тікелей шетелдік инвестиялардың көлемі 28 млрд. долларды құрады. Бұл 10 жыл ішіндегі рекордтық көрсеткіш болып табылады. Жалпы былтыр негізгі капиталға салынған инвестициялар көлемі 15,1 трлн. теңгені құрады. Бұл 2018 жылмен салыстырғанда 35%-ке көп» деп атай кетті ол.
"Адырна" ұлттық порталы
