Енді жүргізуші куәлігіне емтихан тапсыру ережесі өзгерді, деп хабарлайды “Адырна” тілшісі.
Қазақстанда жүргізуші куәлігін алу ережелері өзгерді. Бұл шешім сыбайлас жемқорлыққа қарсы мониторинг жүргізгеннен кейін қабылданып отыр.
Мониторинг барысында автомектептердегі емтихандар мен оқыту үдерісіндегі құқықтық олқылықтардан туындаған автокөліктерді тіркеу және жүргізуші куәліктерін алудағы заңсыз жағдайлар анықталған. Тексеруге бірнеше жыл бойы көлік құралдарын заңсыз тіркеумен айналысқан қылмыстық топқа қатысты қылмыстық істер себеп болды.
Енді жүргізуші куәлігін беру тәртібі биометрика, емтихандарды бейнежазбаға түсіру және қайта тапсыру тәртібін өзгерту арқылы қатаңдатылды. Арнайы халыққа қызмет көрсету орталықтары мен Ішкі істер министрлігіндегі жаңа ақпараттық жүйелер көлік, төлемдер туралы деректерді автоматтандырады және түзету мүмкіндігі болмайды.
