Астанада студенттік жатақханалар құрылысын жобалайтын кеңсе ашылды

2061
Adyrna.kz Telegram

Астанада биыл 1900 орынға арналған 5 студенттік жатақханаының құрылысын аяқтап, қолданысқа беру жоспарда бар. Ал 2025 жылға дейін жеке инвесторлар мен жоғары оқу орындарының меншікті қаражаты есебінен 11 мыңға жуық орны бар ғимараттарды пайдалануға беру жоспарда бар. Астанада студенттік жатақханалар құрылысын жобалайтын кеңсе ашылды, деп хабарлайды "Адырна" ұлттық порталы елорда әкімдігінің ресми сайтына сілтеме көрсете отырып.

Астанада студенттік жатақханалар салу бойынша жобалық кеңсе ашылды. Фронт-офистің негізгі міндеті - жатақханалар салу жөніндегі мемлекеттік бағдарламаны іске асыру үшін қолайлы жағдайлар жасау және студенттерді тұрғын үймен қамтамасыз ету, сол сияқты ЖОО-лар мен әлеуетті инвесторларға заңгерлік, консультациялық және сараптамалық қолдау көрсету.

Жобалық кеңсенің ашылуында Астана әкімі Жеңіс Қасымбек пен ҚР Ғылым және жоғары білім министрі Саясат Нұрбек құттықтау сөз сөйледі.

«Елордаға оқуға келетін студенттер саны жыл сайын артып келеді. Қалада 15 жоғары оқу орны бар, онда 67 мыңға жуық студент оқиды. Олардың бір көлігі бұл қаладан емес. Жауапты министрлікпен бірлесіп инфрақұрылымды құру бойынша жұмыс жүргіземіз. Жатақханаларда кезең-кезеңімен орын дайындаймыз. Бұл жұмыс инвесторларды да, жоғары оқу орындарын да жұмылдыра отырып жүргізіледі. Біз өз тарапымыздан жер учаскелері мен әкімшілік мәселелер бойынша көмек көрсетеміз», - деді Астана әкімі Жеңіс Қасымбек.

Биыл «Қаржы орталығы» АҚ ҚР Ғылым және жоғары білім министрлігі әзірлеген жаңа тетік бойынша субсидиялауға және басқа да мәселелерде көмек көрсетеді. Бұл тетік әрбір төсек-орын үшін жаңа жатақханалар салу кезінде субсидияларды көздейді.

Инвесторлар, ҚР Ғылым және жоғары білім министрлігі, Астана әкімдігі, «Қаржы орталығы» АҚ және бірқатар ЖОО арасында студенттік жатақханалар салу бойынша ары қарай да жемісті ынтымақтастық орнату туралы меморандумдар жасалды.

"Адырна" ұлттық порталы

Пікірлер