Спорт журналисі Аслан Қаженов еліміздегі "артық" спорттық федерацияларға қатысты жазбасын қалдырды, деп жазады "Адырна" тілшісі.
Біздің елде 176 спорттық федерацияның барлығы ресми тіркеліп, мемлекеттік қолдау алады. 19 миллион халқы бар Қазақстан үшін бұл тым үлкен көрсеткіш екенін жазды ол.
Сондай-ақ, бүркеншік ат қойып, кәдімгі "стриптиз" билеуді спорт деп санап, балық аулауды спорттық ойын қатарына қосуды қате деп сынады.
"Жан-жақтан жалмаңдап келіп, халықтың аузын ұрып жатыр. Егер осыны жақын арада нықтап қолға алып, тосқауыл қоймасақ, қаржыландыруды тыймасақ, тайраңдауын тоқтатпасақ, өз ұрпағымызды өз қолымызбен өлтіреміз. Ұлт ретінде жойылуымыз басқадан емес, дәл осы тырнақшаның ішіндегі спорттардан болады" деп жазды ол.
