Таразда 12 жастағы бала әкесінің көлігін рұқсатсыз айдап кеткен. Бұл туралы қалалық полиция департаменті айтты, деп хабарлайды «Адырна» тілшісі.
«Әлеуметтік желілерге мониторинг жүргізу барысында жасы кәмелетке толмаған баланың Subaru автокөлігін басқарған бейнежазбасы анықталды. Автокөлік иесі анықталды. Оның айтуынша, баласы көлікті рұқсатсыз айдап кеткен»,—делінген хабарламада.
ҚР ӘҚБтК-нің 612-бабы 5-бөлігі бойынша әкімшілік жауапкершілікке тартылып, 50 АЕК айыппұл салынды.
Көлік арнайы айыптұраққа қойылды.
Бейнажазбаны көру үшін сілтемені басыңыз.
