Астана іргесіндегі Қосшы қаласында екі жастағы бала көлік астында қалып, оқиға орнында көз жұмды, деп хабарлайды “Адырна” ұлттық порталы.
Қайғылы жағдай тұрғын үй аулаларының бірінде болған. Полиция мәліметінше, "Kia Sportage" маркалы көлігін басқарған жүргізуші 2023 жылы туған баланы байқамай басып кеткен. Желіде тараған видеодан сәбидің сол сәтте көлік жүретін жол бойында жалғыз жүргенін көруге болады.
Куәгерлердің айтуынша, көлікті тізгіндеген азамат осы аумақта тұрады және шамамен сағат 15:30 шамасында кәмелетке толмаған ұлын іздеп, үйінен шыққан.
Оқиға орнына шұғыл жеткен медициналық қызметкерлер баланың қайтыс болғанын растады. Қазіргі уақытта аталған факті бойынша қылмыстық іс қозғалып, тергеу амалдары басталды.
