Екінші дүниежүзілік соғыстың аяқталған күніне орай ұйымдастырылған Польшадағы іс-шарада Ресей елшінінің жолы жабылды. Варшава халқы Ресей дипломаттарының қарсы алдына тұрып алып, "рашистер" деп айыптады, деп хабарлайды "Адырна" ұлттық порталы.
Ресейдің Польшадағы елшісі Сергей Андреев және басқа ресейлік дипломаттардың "жолы жабылды". Варшава қаласы, Жвирка мен Вигура көшелерінде орналасқан кеңес сарбаздарының мемориалына гүл шоқтарын қоюға жол берілмеді. Халықтың кәріне ұшыраған дипломаттарға қатысты видео ақпараттық кеңістікті шарлап кетті.
ТАСС-тың хабарлауынша, зират аймағында жиналған көпшілік қауым ресейлік дипломаттардың ескерткішке гүл шоқтарын қоюына кедергі келтірген.
Оқиға орнынан түсірілген видеолардан байқағанымыздай, Андреевті бір топ адам қоршап алып, " Рашистер!» деген сарында айыптайды.
Ресей дипломаттары ешкімнің зардап шектегенін айтты. Дегенмен орыс тілді басылымдардың жазуынша, болған оқиға салдарына байланысты "жағасын ұстап отыр".
Еске сала кетейік, бір жыл бұрын да мұндай жағдай болған еді. Ол кезде Андреев ескерткіш әйкеліне гүл шоқтарын қоюын қойды, бірақ сол сәтте үстіне қызыл бояу шашылған-тұғын.
"Адырна" ұлттық порталы
