Белгілі қаламгер, айтыскер ақын Серік Қалиев қайтыс болды. Қайғылы хабарды журналист Ардақ Байғабыл растады, деп хабарлайды «Адырна» тілшісі.
«Бүгін қазақ елінің ақыны, керемет тұлға, асыл ағам Серік Қалиев бақилық болды. 30 күн оразасын ұстап, шәууаль айының 6 күндік оразасын түгендеп, Құптан намазына бара жатқан жерінде ағамызды жолда көлік қағып кетті»,–деп жазды ол.
Серік Қалиев 1961 жылы 16 тамызда Жамбыл облысы Жамбыл ауданы Амангелді ауылында дүниеге келген. Айтыскер ақын. Ол 1983-1995 жылдары облыстық, республикалық ақындар айтыстарына қатысып, жүлделі орындарды иеленген. Серік Қалиевтың «Жұлдыз-сезім», «Ақ моншақ», «Егіздің сыңары», «Ашық хат» өлең жинақтары жарық көрген.
