Ұлттық медиа қауымдастығының төрағасы баспасөз картасын енгізудің артықшылықтарын айтты

2225
Adyrna.kz Telegram
Фото:primeminister.kz
Фото:primeminister.kz

Ұлттық медиа қауымдастығының төрағасы Кемелбек Ойшыбаев баспасөз картасын енгізудің қандай артықшылығы бар екенін айтты, деп хабаплайды “Адырна” ұлттық порталы. 

Масс-медиа туралы заң жобасы қоғамда қызу талқыланып жатыр. Әлеуметтік желілерде көптеген пікір мен ұстаным айтылуда.

“Баспасөз картасына қатысты әртүрлі түсіндірмелер бар. Баспасөз картасы - журналистердің мүдделерін қорғауға арналған. Әрине, пресс-картаны алудың қажеті жоқ, бірақ кім пресс-картаға ие болса, оның ерекше мәртебесі болмақ. Бұл бірқатар мүмкіндікке жол ашады, оның ішінде елдегі ұйымдар, әсіресе, мемлекеттік ұйымдар қолжетімді болады. Былайша айтқанда, журналистер үшін белгілі бір пайдасы бар. Бұл картаны бүкіл журналистер міндетті түрде алудың қажеті жоқ. Баспасөз картасын алмақ-ақ қызметін өзгелермен бірге жалғастыра алады. Алайда, баспасөз картасын алу арқылы белгілі бір мүмкіндіктерге ие болады”, - деді қауымдастық төрағасы.

Бұған дейін Кемелбек Ойшыбаев аталған заң жобасына қатысты қызу талқыға түсіп жатқан бірнеше мәселе барын атап, заң жобасына әлі де түзетулер енгізуге болатынын айтқан болатын.

Пікірлер