ҚР Ұлттық мұражайдың бұрынғы директоры Арыстанбек Мұхамедиұлын қамауда ұстау мерзімі тағы да ұзартылды. Бұл туралы Астана қаласы сотының баспасөз қызметі мәлімдеді, деп хабарлайды «Адырна» тілшісі.
«2023 жылдың 17 қаңтарында Астана қаласының мамандандырылған ауданаралық тергеу соты күдікті Арыстанбек Мұхамедиұлына қатысты қамауда ұстау түріндегі бұлтартпау шарасының мерзімін бір айға ұзартты»,—деді ведомство.
Еске сала кетейік, өткен жылдың 29 мамырында Арыстанбек Мұхамедиұлы қамауға алынған еді. Оған қатысты халықаралық көрмелерді өткізуге бөлінген 140 млн теңгеден астам қаржыны жымқырды деген күдік тағылды.
