Елордада Тоқаевты ұлықтау рәсімінен кейін митинг ұйымдастырған кәсіпкер Марат Әбиев 2 айға қамауға алынды. Бұл туралы Астана қаласының мамандандырылған ауданаралық тергеу соты хабарлады, деп жазады "Адырна" ұлттық порталы.
«Сот күдікті М.Әбиевке қатысты 2 ай мерзімге қамауға алу түріндегі бұлтартпау шарасына санкция берді» делінген хабарламада.
Естеріңізге сала кетейік, Астанада 26 қараша күні кешке интернет бір сағат бойы істемей қалған еді. Дәл осы уақытта өздерін «Болашақ сәулетшілері» деп атаған Марат Әбиев бастаған бір топ белсенді ереуілге шыққан. Кейін полиция елордадағы митингке 300-ге жуық адам қатысып, тәртіп сақшыларына қарсылық көрсеткенін хабарлаған болатын.
"Адырна" ұлттық порталы
