«Халық қаласа хан түйесін сояды». Халық даналығы
Кеше ғана "Адырна" ұлттық порталына Павлодар ауданы Жана қала ауылының тұрғындары хат жолдап, мектеп директоры Колтай Калелханды жұмыстан негізсіз шығарып жатқанына наразылықтарын білдірген еді.
Бұл мәселе әлеуметтік желілерде қызу талқыланған болатын. Облыстық білім беру Білім Басқармасының басшысы Дінислам Болатханұлы бұл мәселені өз бақылауына алғанын айтқан болатын. Бүгін Жаңа қалада басқарма басшысы, прокурор, аудан әкімінің орынбасары, мәслихат депутаттары тұрғындарымен кездесіп, жиын өткізіп, бұған дейін шығарылған бұйрықтың күшін жойып, директорды орнында қалдыратын болыпты. Мәселені ушықтырмай тез арада оңтайлы шешкені үшін білім беру басқармасының басшысы Дінислам Болатханұлына елдің атынан алғыс айтамыз!
"Адырна" ұлттық порталы
