Түйе шаруашылығын жандандырып жүрген кәсіпкер Өтеміс Махановтың “Адырна” ұлттық порталына берген сұхбаты көпшілік арасында резонанс тудырды. Тіпті, оны “дінбұзар” деп атағандар да болды. Бұл жөнінде ауылдасы Әбілқасым Имам Мұсаұлы пікір білдірді, деп хабарлайды “Адырна” ұлттық порталы.
Айтуынша, Өтеміс Маханов өтірік айтпайды, тіпті, ауылына мешіт салып берген көрінеді.
“Дінбұзар деп айтқан адамдардың пікіріне келіспеймін. Мен ол кісіні жақсы білемін. Біз ауылдаспыз. Ол кісі 93-інші жылдары діннен адасып, Совет үкіметінің қарамағында жүрген ауыл тұрғындарына мешіт салып беріп, үлкен жиын жасады”,- деді ауылдасы.
Сондай-ақ, Өтеміс ауыл тұрғындарынан көмегін аямаған.
