Қазақстандық спортшы Зульфия Чиншанло Бахрейнде өткен ауыр атлетикадан Азия чемпионатында жеңіске жетіп, алтын медаль алды. Бұл туралы Prosports.kz хабарлады, деп жазады "Адырна" ұлттық порталы.
55 келіге дейінгі салмақта 220 (95+125) келі көтеріп, алтын медальға қол жеткізді.
Екінші орында қытайлық Линглу Лю – 210 келі. Үздік үштіктен өзбекстандық Нигора Абдуллаева орын алды– 193 келі.
Естеріңізге сала кетейік, Қазақстанның ауыр атлеті Зульфия Чиншанло үш дүркін Әлем чемпионы, Токио-2020 Олимпиада ойындарының қола жүлдегері.
"Адырна" ұлттық порталы
