Павлодар облысында 15 оқушы бұрышты баллоннан уланып, ауруханаға жеткізілді, деп хабарлайды «Адырна» тілшісі.
«23 қыркүйек күні сағат 11:00 шамасында Ленин ауылы Макаренко көшесі 14 мекенжайындағы № 33 орта мектебінде белгісіз біреу екінші қабаттың дәлізіне бұрышты баллон газын шашқан. Ғимараттан 672 оқушы эвакуацияланды. 15 бала зардап шекті. Олардың барлығы облыстық балалар ауруханасына жеткізілді»,—деп түсіндірді Павлодар қаласы Төтенше жағдайлар департаменті бастығының орынбасары Тілекжан Ғалямов.
