Ұсталған Жансейіт Бұрхан 2 ай мерзімге үйқамаққа алынды, деп жазады "Адырна" ұлттық порталы. Бұл туралы Алматы қаласының тергеу соты хабарлады.
"Алматы қаласы тергеу сотының 2022 жылғы 17 шілдедегі қаулысымен Жансейіт Бұрхан 2 ай мерзімге 17 қыркүйекке дейін үйқамаққа алынды, күзетпен ұстау түріндегі бұлтартпау шарасы санкциялаудан бас тартылды", - делінген хабарламада.
Сонымен қатар Республикалық адвокаттар алқасында Бұрхан Жансейітовтың адвокат емес екенін мәлімдеді.
"Қаржы мониторингі агенттігі адвокат Бұрхан Жансейітовты ұсталғаны туралы ақпарат БАҚ-та таратылуына байланысты Республикалық адвокаттар алқасы бұл адамның адвокат емес екенін хабарлайды. Адвокаттар өз жұмысында этика кодексін басшылыққа алады. Оған сәйкес кәсіби қызметте олар кәсіптің беделіне қамқорлық жасап, мораль мен заңның үстемдігі принциптерін орындайды. Дәл осындай талаптар Жоғары заңгерлік білімі бар кез-келген адамға қатысты болуы керек деп санаймыз. Бұл ретте заң кеңесшісі Бұрхан Жансейітовке қатысты тергеуді заңдылық қағидатын қатаң сақтай отырып және жасаған әрекетіне құқықтық баға бере отырып тергеу түргізілуін сұраймыз", - делінген хабарламада.
Естеріңізге сала кетейік, 15 шілде күні Қаржы мониторингі агенттігі Бұрхан Жансейітовтің Алматыда құқық қорғау органдарының ұйымдасқан қылмыстық топтарды жоюға бағытталған қызметіне кедергі келтіргені үшін ұсталғанын хабарлаған болатын.
"Адырна" ұлттық порталы
