Қазақстан президенті Қасым-Жомарт Тоқаев “Қазақмыс” ұсынған 25 миллиард теңгені Сәтбаев пен Жезқазғанға жеткіліксіз деп санайды, деп хабарлайды, “Адырна” ұлттық порталы.
««Қазақмыс» компаниясы» ЖШС басқарма төрағасы Эдуард Огай Мемлекет басшысына кәсіпорынның және жалпы өңірдің даму перспективалары туралы есеп берді. Оның айтуынша, компания Жезқазған және Сәтбаев қалаларының инфрақұрылымын дамытуға лайықты үлес қосуға дайын. Бизнестің әлеуметтік жауапкершілігі аясында Қазақмыс биыл 25,4 млрд теңге бөледі», - деп хабарлады бейсенбіде Ақорданың баспасөз қызметі.
Аталған сома 2021 жылмен салыстырғанда екі есеге көп екені атап өтілді.
«Мен осындай мәселеге тоқталғым келеді. Әрине, әлеуметтік мәселелер шешімді талап етеді. «Қазақмыс» корпорациясына барынша белсенді болуға өтінішім бар. Ерекше жағдайда 25,4 млрд теңге жетпей қалуы мүмкін. Мүмкіндігінше құрылысты қаржыландыруды көбейтіңіз. Әлеуметтік нысандарды салуға көмектесу қажет. Бізге спорттық нысандар қажет. Тұрғындар инфрақұрылымның тиісті деңгейде жақсартылатынына сенім білдірді. Әрине, мәдениет нысандары да ерекше назар аударуды қажет етеді», - деді Тоқаев.
Сонымен қатар, компания денсаулық сақтау, білім беру, спорт сияқты салаларға баса назар аударатыны атап өтілді. Мәселен, 2023 жылы Жезқазған қаласында балалар спорт академиясын салу, оның ішінде 200 орындық мектеп-интернат салу жоспарлануда.
«Тоқаев спорт нысандарын салу кезінде көп функциялы спорт кешендерге артықшылық беру керектігіне назар аударды. Сондай-ақ компания жаңа стандарттарға сай тұрғын үй салуды жоспарлап отыр», - деп толықтырды Ақорда.
”Адырна” ұлттық порталы
