Елордада Бердібек Соқпақбаевтың повесі бойынша түсірілген режиссер Абдолла Қарсақбаевтың "Менің атым — Қожа" фильміндегі Қожаға ескерткіш қойылды, деп хабарлайды "Адырна" ұлттық порталы "24.kz"-ке сілтеме жасап.
Бұл фильм осыдан 60 жылдай уақыт бұрын экранға жол тартқан. Фильмнің бас кейіпкері Қожаның тас мүсіні елордадағы "Жетісу" саябағына орнатылды. Қоладан құйып, гранитпен қаптаған жаңа мүсінді Қожаның рөлін сомдаған актер Нұрлан Сегізбаевтың өзі де көрді.
– Бұл әрбір жас қазақстандыққа арналған мәдени дүние. Ескерткіш орнатылғанына өте қуаныштымын. Балалар Қожаның жақсы тұстарын бойына сіңіреді деп үміттенемін, — деді ҚР Еңбек сіңірген қайраткері Нұрлан Сегізбаев.
"Адырна" ұлттық порталы
