Украина Президенті украиндықтардың Ресеймен соғыста жеңіске жететініне сенімді және "соңғы демі қалғанша күресуге дайын болғанымен, соңғы адамы қалғанша күресуге" дайын еместігін айтты. Ол қақтығысты тоқтатуға дайын екенін жеткізді, деп хабарлайды "Адырна" ұлттық порталы.
— Менің ойымша, біз бүкіл территориямызды әскери жолмен қайтарып ала алмаймыз. Егер біз мұны таңдайтын болсақ, жүздеген мың адамның өмірі қиылады. Ең болмаса, 24 ақпандағы орыстар елімізге басып кірген жағдайға оралуымыз керек деп ойлаймын. Сонда дипломатия арқылы территориямызды қалпына келтіруге болар еді, - деді Украина президенті Nieuwsuur басылымына берген сұхбатында.
Адам шығынын болдырмау үшін ол Путинмен кездесу ғана қажеттігін меңзеді. Зеленский Ресейде "келіссөз жүргізе алатын басқа адам жоқ. Ол бәрін шешеді"— деді.
"Адырна" ұлттық порталы.
