Ресей президенті Владимир Путин мен Қорғаныс министрі Сергей Шойгу Мәскеудегі әскери госпитальді аралап, ұрыс кезінде жараланған ресейлік сарбаздардың жағдайын білді, деп хабарлайды «Адырна» тілшісі.
«Мемлекет басшысы арнайы әскери операция кезінде зардап шеккен Ресей Қарулы Күштерінің әскери қызметшілері емделіп жатқан П.В.Мандрик атындағы Орталық әскери-клиникалық госпитальда болды», - делінген хабарламада.
Айта кетейік, 16 мамырда елдің Қорғаныс министрлігі Украинадағы арнайы операцияға қатысқан ресейлік сарбаздардың Президент жарлығымен марапатталғандарын мәлімдеген еді.
«Адырна» ұлттық порталы
