«Қазгидромет» жаз мезгіліне арналған ауа райы болжамын жариялады, деп хабарлайды «Адырна» тілшісі.
Мамандардың айтуынша, жаз ауа райының тұрақсыз сипаты бар күндермен — нөсер жаңбырлы, найзағайлы және желді, сондай-ақ ашық күндермен сипатталады.
«Алғашқы екі айда республиканың батыс жартысында ауа температурасы нормадан жоғары, ал елдің шығыс жартысында нормаға жақын болады деп болжануда. Тамыз айы салқын болады. Маусым айында Қазақстанның басым бөлігінде жауын-шашын нормадан аз болады, республиканың солтүстік-шығыс жартысында, елдің оңтүстігі мен оңтүстік-шығысының таулы және тау бөктеріндегі аудандарында жаңбыр жаууы ықтимал. Шілде мен тамыз айларында болса, керісінше, елдің көп бөлігінде жауын-шашын болады»,– делінген хабарламада.
