Ресейдің Свердловск облысында Синарский құбыр зауыты өртеніп жатыр. Өрт ағаш кесу цехында басталған, қазір оны сөндіруге сегіз өрт сөндіру көлігі мен 35 адам жұмылдырылған, деп хабарлайды “Адырна” ұлттық порталы.
Төтенше жағдайлар министрлігінің Свердлов облысы бойынша бас басқармасының баспасөз қызметінің хабарлауынша, өрт сөндірушілер жеткенше цех аумағының 600 шаршы метрі жанып кеткен. Сонымен бірге жалын тез тарауда. Сағат 12:36-да өртті анықтап, өрттің таралуын тоқтату мүмкін болды.
Фото: Ресей Төтенше жағдайлар министрлігінен алынды
Әзірге зардап шеккендер туралы ақпарат жоқ. Төтенше жағдайлар министрлігі өрт кезінде цехта жұмысшылар болмағанын, сондықтан эвакуациялау талап етілмегенін атап өтеді.
“Адырна” ұлттық порталы
