Бақытжан Сағынтаев Бостандық ауданының әкімі Алтай Рахымбетовты сынады, деп хабарлайды "Адырна" ұлттық порталы.
24 қаңтарда дүйсенбі күнгі таңертеңгі жиналыста мегаполис басшысы азық-түлік бағасы өскеніне назар аударды. Өткен аптадағы есепте Сағынтаев Бостандық ауданында осындай 21 заңбұзушылық, ал Түрксіб ауданында бірде-бір заңбұзушылық анықталмағанын айтты. Ол аудан әкімі Алтай Рахымбетовтен мұндай жағдай қалай болуы мүмкін екенін түсіндіруді сұрады.
- Біз, керісінше, күн сайын тексеру жүргіземіз, осындай фактілерді анықтаймыз және дүкен иелерімен бағаларды төмендетуге жұмыс істейміз, - деп жауап берді Алтай Рахымбетов.
- Түрксіб ауданында заңбұзушылық жоқ деп айтқыңыз келе ме, яғни аудан әкімі жұмыс істемей ме, - деп сұрады Алматы әкімі.
- Жоқ, олай емес, күн сайын мониторинг жүргізіліп отыратынын айтқым келген, - деді Рахымбетов.
"Егер күн сайын мониторинг жасасаңыз, онда заңбұзушылықтар болмауы керек. Бақылауға алыңыздар, бұлай болмауы керек", - деді Сағынтаев.
"Адырна" ұлттық порталы
