Кәдеге жарату алымы Әлия Назарбаеваның жаңа компаниясына тиесілі ме?

7197

Қазақстан Республикасы экология, геология және табиғи ресурстар министрлігінің хабарлауынша,кәдеге жарату алымын әкімшілендіру функциясы берілген «Жасыл даму» АҚ толығымен мемлекетке тиесілі, деп хабарлайды “Адырна” ұлттық порталы Орда.кз сайтына сілтеме жасап. 

«Жасыл даму» халықаралық жасыл технологиялар және инвестициялық жобалар орталығына қосылу туралы бұрын қабылданған қаулы күшін жойды.

«Жасыл даму» акционерлік қоғамы экология, геология және табиғи ресурстар министрлігінің ведомстволық бағынысты ұйымы болып табылады және мемлекеттің қатысу үлесі 100%-ды құрайды. Яғни, акционерлік қоғам құрамында басқа жеке және заңды тұлғалар жоқ» деп хабарлады министрлік.

«Жасыл Даму», ең алдымен, қысқа мерзімде ӨКМ мемлекеттік операторының қызметін жоспарлы режимде қалпына келтіруі тиіс.

Бұл ретте кәдеге жарату төлемінің ағымдағы мөлшерлемелері уәкілетті орган мөлшерлемелерді қайта қараған сәтке дейін қолданыста болады. Оларды әзірлеу және талқылау жақын арада жоспарланып отыр.

2022 жылғы 11 қаңтарда президент Қасым-Жомарт Тоқаев кәдеге жаратуды жинаумен шет елдердегідей мемлекеттік ұйым айналысуы тиіс екенін атап өтті.

Еске салсақ, әлеуметтік желілерде бұдан былай кәдеге жарату алымымен айналысатын мемлекеттік ұйым жариялаған «Жасыл Дамуға» экология министрлігінен халықаралық жасыл технологиялар және инвестициялық жобалар орталығына берілгені туралы хабарланды.

Басында халықаралық жасыл технологиялар және инвестициялық жобалар орталығына жалғыз құрылтайшысы экология министрлігі болды.

Содан кейін 50% акциясы Қазақстанның экологиялық ұйымдар қауымдастығына 50 миллион теңгеге сатылды.

Қауымдастықтың екі құрылтайшысы бар – Әлия Назарбаеваның жеке қоры және G-Global коалициясы.

G-Global коалициясының үш құрылтайшысы бар – «Ауыл» партиясы төрағасының орынбасары Төлеутай Рахымбеков пен оның қызы Әлияның ЖШС-не тиесілі.

”Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket