Алматы облысы бойынша “Саналы ұрпақ” клубтарының слеты өткізілуде

338

Жылдың басынан адалдық және парасаттылықты ту еткен «Саналы ұрпақ» клубтары облыс бойынша сыбайлас жемқорлыққа қарсы бағытта 500-ден астам түрлі форматтағы іс-шаралар өткізіп, 15 әлеуметтік зерттеу және онлайн сауалнама жүргізді, деп хабарлайды “Адырна” ұлттық порталы.

 Жалпы, бұл клубтар өз жұмысын 2016 жылдан бастап, қазіргі таңда айтарлықтай нәтижелерге қол жеткізді.

Жыл сайын, бірінші кезекте аудандық және қалалық іріктеу, екінші кезеңде облыстық слетка 1 мыңнан астам студенттер қатысып, жемқорлықсыз болашаққа өз үлестерін қосуда.

Атқарылған жұмыстардың қорытындысы Сыбайлас жемқорлыққа қарсы іс-қимыл Агенттігінің Алматы облысы бойынша Департаменті және облыстық білім басқармасының ұйымдастыруымен 27 қазан күні Алматы облысының «Саналы ұрпақ» клубтарының слетында бағаланып, ең үздік клубтар номинацилар бойынша бағалы сыйлықтар және мадақтау қағаздарымен марапатталады.

Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын  әлемдегі барлық елдердің қай-қайсысын  да  қатты  алаңдататыны  анық. Жастар арасында жемқорлыққа қарсы сана қалыптастыру, құқықтық мәдениетті дамыту, сондай-ақ  елдің әлеуметтік хал-ахуалын жақсартып, экономикалық дамуынжоғарғы деңгейге көтеру үшін сыбайлас жемқорлықпен күресті күшейту - әрқайсымыздың азаматтық борышымыз екендігін түсіну қажет.

”Адырна” ұлттық порталы

Пікірлер
Редакция таңдауы