Жанжал кезінде әйелін өртеп жіберген

2472
Adyrna.kz Telegram

Павлодар облысының тұрғыны жанжал кезінде әйелін өртеп жіберді, – деп хабарлайды «Адырна» тілшісі Polisia.kz-ке сілтеме жасап.

Павлодар ауданының полициясына ауданның ауылдарының бірінде ер адам әйелін өртеп жібергені туралы қоңырау түскен.

– Оқиға орнына келген полиция қызметкерлері 8 тамыз күні сағат 02:00 шамасында ерлі-зайыптылар арасында жанжал болғанын анықтады. Күйеуі мас күйінде көлігіне отырып кетпекші болған, ал әйелі оған тыйым салып, жанжал туындаған. Жанжал кезінде күйеуі тоңазытқыштан алкоголь алып, жұбайына құйып, оны жеңіл отқа өртеп жіберді. Бұл күні ерлі-зайыптылар қайын енесінің мерейтойын атап өткен іс-шарада болған, – деді Павлодар облысы Полиция департаменті бастығының бірінші орынбасары Жасқайрат Қайыров.

Есін жинаған ер адам оны бірден сөндіре бастаған, одан киімді шешіп, жедел жәрдем шақырғанын атап өтті. 1 дәрежелі күйік алған әйел Павлодар қаласының ауруханасына жатқызылды.

Аталған факті бойынша полиция Қазақстан Республикасы ҚК 107-бабы бойынша сотқа дейінгі тергеуді бастады.

«Адырна» ұлттық порталы

Пікірлер