COVID-19 жұқтырғандар үшін ашылған ауруханалар біртіндеп жабылуда

281

Денсаулық сақтау министрі Алексей Цой елдегі эпидемиологиялық жағдай тұрақтанып келе жатқанын мәлімдеді, деп хабарлайды “Адырна” ұлттық порталы Sputnik Қазақстан сайтына сілтеме жасап. 

"Республика бойынша аурушаңдық төмендеп келеді. Өткен аптамен салыстырғанда соңғы жұмада індетке шалдыққандар саны 11 мыңнан 8 мыңға дейін азайды. Мамырдан бастап вирус жұқтыру деңгейі 2,1 есеге төмендеді", – деді ол үкімет отырысында.

Айтуынша, соңғы айда емдеуде жатқан науқастар саны 20 мыңға немесе 2 есеге азайған.

"Өңірлерде коронавирус жұқтырғандар үшін қосымша ашылған ауруханалар саны біртіндеп азая бастады. Мәселен, Нұр-Сұлтанда 330 төсек-орындық 4 стационар, Алматыда шамамен 2 000 төсек-орындық 11 стационар жабылды", – деді ол.

Соңғы айда инфекциялық және реанимациялық бөлімдерде науқастар саны тиісінше 1,9 және 1,5 есеге азайған.

Пікірлер
Ұқсас жаңалықтар