10 наурызда Германияның ең ірі 13 әуежайында 24 сағатқа созылатын ескерту ереуілі басталды, деп хабарлайды «Адырна» тілшісі.
Ver.di неміс кәсіподақ ұйымы әуежай операторларын, жерүсті қызметкерлерін және авиациялық қауіпсіздік қызметкерлерін наразылық шарасына шығуға шақырды. Кәсіподақ жалақыны 8%-ға көтеруді, ауыр жұмыстарға ақы төлеуді және қызметкерлерге қосымша демалыс беруді талап етіп отыр. Алайда жұмыс беруші оны қабылдамай тастаған.
ADV неміс әуежай қауымдастығының есептеуінше, ереуіл салдарынан 3400-ден астам рейс тоқтатылып, шамамен 510 000 жолаушы зардап шегеді.
Айта кетейік, Қазақстаннан Германияға аптасына 11 рейс қатынайды.
