Адам саудасының құрбандары жиі көзге көрінбей қалады, бірақ олардың көмексіз қалуы – үлкен қателік. Олар алдау, мәжбүрлеу немесе қорқыту арқылы қатаң жағдайға түскен адамдар. Сондықтан оларға көмек көрсету маңызды, әрі тез әрекет ету қажет. Құрбандарға көмек көрсетудің бірнеше негізгі жолы бар:
- Құрбандардың құқықтарын қорғау үшін алғашқы қадам — құқық қорғаушы ұйымдар мен полицияға хабарласу. Қазақстанда адам саудасымен күресетін арнайы бөлімдер мен халықаралық ұйымдар бар, олар тез арада көмек көрсетіп, құрбандарды құтқаруға атсалысады;
- Адам саудасы құрбандары көбінесе психологиялық және эмоционалдық зардап шегеді. Олар қорқыныш пен сенімсіздік күйінде болуы мүмкін. Психологтар мен әлеуметтік қызметкерлердің көмегі, олардың қауіпсіздігін қамтамасыз етіп, жаңа өмір бастауға көмек көрсету өте маңызды.
- Құрбандарды қоғамға қайта бейімдеу үшін әлеуметтік қызмет көрсету керек. Бұл жаңа жұмыс, білім алу мүмкіндіктерін жасау және тұрақты тұрмыс жағдайын қалыптастыруды қамтиды.
- Адам саудасының құрбаны өз құқықтарын білмеуі мүмкін. Оларға заңгерлік көмек көрсету, құқықтық жағдайды түсіндіру және құқық қорғаушы органдармен байланыстыру маңызды.
- Құрбандардың қауіпсіздігін қамтамасыз ету үшін оларды уақытша паналау орындарына немесе арнайы баспаналарға орналастыру қажет. Бұл оларды адам саудасының күдікті тұлғаларынан қорғауға мүмкіндік береді.
Құрбандарға көмектесу — тек мемлекет пен ұйымдардың ғана емес, әр адамның жауапкершілігі. Оларды қолдап, жағдайдан шығуға көмектесу арқылы біз үлкен әлеуметтік мәселені шешуге үлес қоса аламыз. Егер сіз адам саудасының құрбаны немесе сол туралы мәлімет білсеңіз, бірден көмекке жүгініңіз!
