Михаил Шайдоров мәнерлеп сырғанаудан Қытайдың Чунцин қаласында өткен Гран-при кезеңінде екінші орын алды. Бұл туралы Ұлттық олимпиадалық комитет жазды, деп хабарлайды «Адырна» тілшісі.
Қазақстандық спортшы қысқа бағдарламада сәтті өнер көрсетіп, 93,21 ұпай еншіледі. Ал еркін бағдарламадағы өнері үшін ол 182,96 ұпай жинады. Жалпы есеп 276,17 ұпай болып, отандасымыз жарысты күміс медальмен аяқтады.
Бірінші орынды жапондық Сюн Сато 278,48 ұпаймен жеңіп алды. Үздік үштікті француз Адам Сяо Хим Фа 252,53 ұпаймен түйіндеді.
