Жамбыл облысында ағымдағы жылы 16 мәдениет нысанының құрылысын жүргізуге 3 млрд. теңге қаржы қарастырылды.
2024 жылы 8 мәдениет нысанын пайдалануға беру көзделуде. Бүгінде Байзақ, Жамбыл, Т. Рысқұлов, Талас аудандарында 4 мәдениет үйі мен музей ашылды.
Жыл соңына дейін Жамбыл, Қордай аудандарында 2 мәдениет үйінің құрылысы аяқталады. Бұдан бөлек, «Тектұрмас» этно-мәдени кешенінде салынып жатқан «Ежелгі бекініс» нысаны пайдалануға беріледі.
Қалған 8 нысан келер жылы ел игілігіне ашылмақ.
