Талғар ауданы Еркін ауылында мемлекеттік рәміздер полигонға лақтырылған. Бұл туралы желі қолданушылары айтты, деп хабарлайды «Адырна» тілшісі.
«Жауапты орган тергеу жүргізіп, кінәлілерді табуы тиіс. Бұл оқиғаға бей-жай қарауға болмайды»,—деді қазнет пайдаланушылары.
Алматы облысының құқық қорғау органдары аталған дерек бойынша қылмыстық іс қозғалғанын мәлімдеді.
«Мемлекеттік рәміздерді қорлау фактісі бойынша полиция қылмыстық іс қозғады. Талғар аудандық полиция қызметкерлері болған оқиғаның барлық мән-жайын анықтау үшін қажетті жедел іс-шаралар ұйымдастырды. Кінәлі адамдарға қолданыстағы заңнамаға сәйкес тиісті шаралар қабылданады»,—деді полиция департаменті.
